Presidenti rus Vladimir Putin do të ketë një makinë tërësisht të re pas kalimeve të fundit të testeve të sigurisë. Makina e Putin është pjesë e një projekti shtetëror që po prodhon një linjë makinash të automjeteve që do të përdoren nga zyrtarët rusë.

Ministri rus i Industrisë dhe Tregtisë Denis Manturov i tha mediave vendase se makina do të jetë gati më 7 maj, ditë kur Putin do të inagurohet zyrtarisht si President.

Makina ka kaluar testin përfundimtar të rrëzimit dhe do të qarkullojë për disa javë.

Makina është me ngjyrë të bardhë dhe të zezë dhe thuhet se është krijuar me ndihmën e Porsche.

Rusia ka zhvilluar disa makina të destinuara për zyrtarët e lartë në kuadër të projektit “Cortege ” që nga viti 2012. Projekti është çështje e prestigjit për Moskën, e cila dëshiron të tregojë se është në gjendje të prodhojë automobila në vend me nivelin më të lartë të sigurisë, besueshmërisë dhe dizajnit.

Sipas ministrit Manturov, limuzina e destinuar për zyrtarët e lartë rusë do të jetë gati për përdorim të përditshëm më vonë këtë vit. Mjeti sapo ka kaluar testet e rrëzimit dhe rezultatet ishin “pozitive”, tha ministri për gazetën Izvestia.

Udhëheqësit sovjetikë përdorën makina të prodhuara në vend si ZIL-41047 për qëllime zyrtare shtetërore, por që nga viti 1991 Kremlini filloi të blinte makina gjermane për flotën e saj. Projekti “Cortege” ka për qëllim zëvendësimin e atyre me makina të dizajnuara dhe të prodhuara në Rusi, duke rritur gradualisht pjesët e prodhuara në vend që përdoren për to.

Duke filluar nga viti i ardhshëm, makinat e kortezhit do t’u ofrohen qeverive të tjera për blerje./oranews/