Gazetari rus Arkady Babchenko, i raportuar gjerësisht në të gjitha mediat e botës se është vrarë në Kiev të martën, është i gjallë dhe në gjendje të mirë shëndetësore.

Babchenko, një kritik i profilit të lartë të Kremlinit, u shfaq në një konferencë shtypi në televizionin ukrainas të mërkurën.

Kreu i shërbimeve të sigurisë të Ukrainës, Vasyl Hrytsak, tha në konferencën për shtyp se ‘vrasja’ ishte organizuar për të ekspozuar agjentët rusë.

“Sipas informacioneve të marra nga shërbimi i sigurimit ukrainas, vrasja e gazetarit rus Arkady Babçenko u urdhërua nga vetë shërbimet ruse të sigurisë,” tha Hrytsak.

Gruaja e Babchenko kishte thënë më parë se ai ishte qëlluar në shtëpinë e tyre.

Gazetari me sa duket nuk i tha gruas së tij se vrasja ishte një inskenim. “Kërkoj falje të veçantë për gruan time”, tha ai.

Artikulli paraprakTest
Artikulli tjetërNUK DO TË LEJOHET HAPJA E KAZINOS NË REÇICË TË VOGËL (VIDEO)