Në Gjykatën Penale sot duhet të mbahet seanca e radhës për rastin “Monstra”. Në seancën e sotme duhet të dëshmojnë dy nga gjashtë të akuzuarit për vrasjen e pesëfishtë tek Liqeni i Smilkovës më 12 prill të vitit 2012.

Në seancën e fundit dëshmoi i akuzuari Agim Ismajloviq i cili para trupit gjykues u betua se nuk ka lidhje me rastin dhe nuk e ka kryer veprën. Nga prokurorja Fetai, Ismajloviq u pyet nëse ka njohuri se ku gjendet vëllai i tij, Afrim Ismajloviq i cili ndodhet në arrati.

Përgjigja e të akuzuarit ishte se ka njohur se vëllai i tij ndodhet në Prishtinë dhe se adresa e tyre është e njohur për policinë e Kosovës. Në seancën e kaluar dëshmoi edhe i akuzuari tjetër Fejzi Aziri i cili në detaje shpjegoi se ku ka qenë dhe çfarë ka bërë ditë kur ka ndodhur vrasja e pesëfishtë në liqenin e Smillkovës.

Aziri theksoi se rastin Monstra e ka montuar policia, ndërsa në pyetjen se a ka zhvilluar biseda telefonike me krerët e BDI-së, Aziri konfirmoi se ka pasur biseda me disa funksionar të BDI-së.

Për vrasjen e pesëfishtë në liqenin e Smillkovës në vitin 2012 me burg të përjetshëm u dënuan gjashtë persona: Halil Demiri, Haki Aziri, Fejzi Aziri, Sami Luta, Afrim Ismajloviq dhe Agim Ismajloviq.

Artikulli paraprakSot shpallet vendimi për Gruevskin, vendosen rrethoja të hekurta përreth gjykatës
Artikulli tjetërShuhet në moshën 85 vjeçare autori i famshëm Philip Roth