Home Bota Gjermani, refugjati sirian shpëton foshnjen që po mbytej në lumë

Gjermani, refugjati sirian shpëton foshnjen që po mbytej në lumë

1
0

Një sirian 49 vjeçar ka shpëtuar një 3-vjeçar nga mbytja në një lum në një qytet të vogël gjerman. Fëmija ra në lumin Henne në Meschede dhe u mor nga rrymat, transmeton portali arbresh.info.

Raportet lokale identifikuan njeriun si Abdulmanaf Mohamad. Sipas Westfalen Post, djali i vogël u rrëzua nga disa shkëmbinj dhe u mor menjëherë nga rrymat. Mohamad i tha gazetës se ai e pa djalin nga tarraca e tij. Gruaja e tij tha se vetëm sytë e djalit ishin të dukshëm. “Djali po pluskonte nëpër ujë”, tha ajo.

Policia tha se siriani u zhyt në ujin e ftohtë nga një lartësi disa metra dhe e tërhoqi djalin deri në vend të sigurt, ku fqinjët ndihmuan djalin dhe e mbështollën atë me një batanije para se ai të dërgohej në spital me hipotermi. “Nëse shpëtimtari nuk kishte reaguar kaq mirë, mund të ketë ndodhur edhe më e keqja”, tha Holger Glaremin nga policia lokale për transmetuesin publik WDR.
Mohamad i tha Westfalen Post: “E pashë fëmijën dhe e dija se duhet ta shpëtoja”. Mohamad lëndoi këmbën e tij në proces dhe u dërgua në spital.

Previous articleVV padit Ramush Haradinajn dhe disa zyrtarë tjerë të Qeverisë për rritjen e pagave
Next articleHeq pjesët më të mëdha të kokës pasi luftoi 21 tumorë (FOTO)