Kurset për infermierë dhe për kujdesin e personave të moshuar janë popullarizuar në rajonin e Strumicës. Nga viti në vit gjithnjë e më shumë qytetarët interesohen për arsimin joformal për shkak se me këto certifikata më lehtë mund të gjejnë punë në Gjermani, Austri dhe vendet e tjera evropiane. Deri më tani, rreth 200 qytetarë kanë marrë certifikatë, por interesi i qytetarëve vazhdimisht po rritet, thonë nga Universiteti i hapur qytetar “Joska Josifovski Sveshtarot”.

“Në vendet e Evropës Perëndimore ka nevojë nga kuadro i tillë. Madje kishte persona nga vendet e huaja të cilët kanë ardhur për pushim këtu në Strumicë, që ta vizitojnë kursin për të gjetur atje punë adekuate”, u shpreh Stojan Dançev, drejtor i UHQ “Joska Josifovski Sveshtarot”.

Donçev shpjegon se kanë lidhur marrëveshje me spitalin e përgjithshëm në Strumicë, në të cilin kandidatët kalojnë një pjesë të trajnimit me qëllim të mësojnë shkathtësi të veçanta.

“Fokusi i këtij kursi është kujdesi për personat e sëmurë. Programi përfshin disa tërësi – anatomi, ndihmë e parë dhe kujdes për persona të sëmurë. Sipas programit, nevojiten 120 orë praktikë, përkatësisht, një muaj, secili kandidat të kalojë nga 4 orë në ditë në spital, që mjafton për t’i mësuar njohuritë themelore dhe shkathtësitë”, tha Stojan Donçev, drejtor i UHQ “Joska Josifovski Sveshtarot”.

Edhe pse rajoni i Strumicës është një nga rajonet më të zhvilluara në Maqedoni, në Agjencinë për punësim janë evidentuar rreth 3500 qytetarë që kërkojnë punë, ndërsa shumë të rinj tashmë janë shpërngulur kryesisht në Itali, Gjermani, Zvicër, Slloveni dhe në vendet e tjera të Evropës Perëndimore.

Përgatiti: Katerina Dafçeva