Skuadra e futbollit Shkëndija nga Tetova, tani më dy ditë ka zbarkuar në tokën uellsiane për të konfirmuar kualifikimin në raundin e dyte eliminator të Ligës së Kampionëve. Të martën në program është ndeshja e kthimit të xhiros së parë eliminatore të Liga së Kampionëve, në të cilën ‘kuqezinjtë’ hyjnë me epërsi 5:0 nga takimi i parë i luajtur në Shkup. Skuadra të hënën pasdite do të stërvitet në stadiumin ‘Park HGall’ në orarin e zhvillimit të ndeshjes nga ora 20:00. Përballja TNS-Shkëndija luhet të martën në Osvestri të Uellsit.