Jemi në periudhën e festave të fund-vitit dhe këtu jemi në sheshin Maqedonia për të parë nga afër se si është atmosfera në qytet. Gjithandej vërehet atmosfera festive. Këtë festë e bëjnë edhe më të veçantë fytyrat e buzëqeshura të fëmijëve, të përlyera me ëmbëlsira, pambuk sheqeri, të cilët në duart e tyre mbajnë tullumbace e lodra tjera. Disa nga fëmijët kërcenin, disa bënin foto me personazhet e tyre të preferuar vizatimor e disa të tjerë shprehin dëshirat e tyre për vitin e ri, e që nuk ishin të pakta. Edhe pse të vegjël ata uruan shëndet, paqe dhe lumturi për vitin 2019.

“Unë nuk dua asgjë speciale vetëm shëndet, lumturi dhe dashuri për të gjithë.”

“Unë dua që të gjitha notat t’i kem pesa. Dua lumturi dhe shëndet për mua, familjen time dhe për të gjithë.”

“Dua një qen dhe një mace.”

“Për vit të ri dua të më dhurojë një playstation dhe nuk dua diçka tjetër.

“Këtu atmosfera më pëlqen edhe atë shumë.”

“Kam qejf të më sjell një kukull dhe ëmbëlsira”

“Dua një arushë të madhe një ballon me zemër dhe një kukull.”

“Duam të sjellë dhurata, paketa dhe mikrofon sepse dua të këndoj.”

Derisa ne largoheshim nga sheshi plot me gjallëri, fëmijët vazhduan argëtimin e tyre me shpresën se babagjyshi i vitit të ri do të vijë t’ua bëj dëshirat realitet.

Valmira Zendeli