American Cancer Society ka publikuar këtë të martë një studim i cili lidhet me reduktimin e rrezikut ndaj kancerit. Sipas këtij studimi, perimet dhe drithërat duhet të jenë kryefjala e menusë ditore ndërkohë që duhet reduktuar konsumimi i mishit të kuq.

Edhe koktejlet alkoolikë rrisin rrezikun për t’u prekur nga kjo sëmundje ndërkohë që ushtrimet fizike ndihmojnë në parandalimin e saj.

Një dietë e mirë dhe një veprimtari fizike e përditshme është gjëja më e rëndësishme sepse ky kombinim i ndihmon njerëzit të mbajnë një peshë të mirë trupore. Shkencëtarët, janë gjithnjë e më të bindur se ekziston një lidhje mes kancerit dhe peshës.

Lexo edhe : Studimi në “The Lancet”: Një valë e dytë e Covid-19 mund të jetë tragjike
Në raportet e fundit të publikuara nga The World Cancer Research Fund, 12 lloje sëmundjesh kanceroze lidheshin me mbipeshën ose obezitetin-5 më shumë krahasuar me raportin e publikuar nga shoqata një dekadë më parë.

Dietat që thuhet se redukojnë riskun e kësaj sëmundjeje përmbajnë shumë perime në ngjyrë jeshile, të kuqe dhe portokalli.

Fasulet dhe bizelet duhen konsumuar njësoj si të gjithë llojet e frutave. Ushqimet që duhet të reduktoni janë ato të procesuarat dhe gjithë llojet e mishit të kuq. Mos konsumoni lëngje me gaz dhe me sheqer.